Во засилени сообраќајни контроли спроведени во текот на вечерните часови во Битола, полициски службеници привеле четири лица кои управувале мопеди без да поседуваат возачка дозвола, информира СВР Битола.
Првото приведување било извршено околу 18:50 часот на булеварот „1 Мај“, каде бил запрен Е.Р. (41) од Битола, кој управувал мопед со битолски регистарски ознаки без возачка дозвола.
Околу 20:25 часот на улицата „Виенска“ бил приведен 15-годишен малолетник од Битола, кој исто така управувал мопед без да поседува возачка дозвола.
Подоцна, во 21:10 часот на улицата „Гоце Делчев“, полициски службеници привеле уште еден, 16-годишен малолетник од Битола, кој бил затекнат како управува мопед без соодветна дозвола.
Последниот случај бил евидентиран во 22:20 часот на улицата „Прилепска“, каде од слобода бил лишен П.Ц. (18) од Битола, кој исто така управувал мопед без возачка дозвола.
Од СВР Битола информираат дека по целосното документирање на сите случаи ќе бидат поднесени соодветни поднесоци.
