Во Црна Гора уапсена малолетничка: Терала девојче да клечи, па додека ја тепала ја снимала со телефон

Црногорската полиција приведе 16-годишна малолетничка од Зета под сомнение дека извршила кривични дела злоставување, неовластено снимање и злоупотреба на туѓа снимка на штета на друга малолетничка.

— реклама —

Според информациите од полицијата, инцидентот се случил на 7 мај пред продавница во Подгорица, во присуство на уште четири малолетнички.

— реклама —

Осомничената, како што се наведува, ја натерала девојката да клекне и да ѝ се извини, по што ја удрила со отворена дланка по лицето, додека целиот настан го снимала со мобилен телефон.

— реклама —

Потоа, наводно, ѝ кажала на жртвата дека снимката ќе ја објави, а подоцна ја споделила со своите другарки.

Малолетничката е предадена на државен обвинител во Основното државно обвинителство во Подгорица, кој ќе преземе понатамошни мерки во случајот.