Во еден ден приведени 28 возачи за безобѕирно управување, најголем дел управувале без возачка дозвола

Полициските службеници во текот на изминатото деноноќие лишиле од слобода 28 возачи на територијата на целата држава поради безобѕирно управување со моторно возило, соопшти Министерството за внатрешни работи.

— реклама —

Од нив, 25 лица биле затекнати како управуваат возило без возачка дозвола. Осуммина биле приведени во Скопје, четворица во Битола, по двајца во Велес, Свети Николе, Тетово и Кичево, а по едно лице во Делчево, Кочани, Кавадарци, Неготино и Куманово.

— реклама —

Полицијата привела и две лица кои управувале возило и покрај тоа што имале активна забрана за управување, во Чашка и во тетовско, како и едно лице во гевгелиско кое возело со брзина поголема од дозволената.

— реклама —

Од МВР информираат дека по целосното документирање на случаите ќе бидат поднесени соодветни кривични пријави.

— реклама —

Воедно, Министерството повторно апелира до сите учесници во сообраќајот да ги почитуваат сообраќајните правила и прописи и да не управуваат возило без возачка дозвола, со изречена забрана или под дејство на алкохол, со цел зголемување на безбедноста на патиштата.