Во едно деноноќие приведени 16 возачи за безобѕирно возење

Во текот на изминатото деноноќие, полициските службеници на територијата на целата држава лишиле од слобода вкупно 16 возачи поради безобѕирно управување со моторни возила.

— реклама —

Како што информираат од Министерството за внатрешни работи, од вкупниот број приведени, 14 лица управувале возила без да поседуваат возачка дозвола, при што двајца од нив биле малолетници. Дополнително, две лица биле затекнати како управуваат возило под дејство на алкохол.

— реклама —

Најголем број од приведените се регистрирани во Гостивар, каде што четири лица, меѓу кои и еден малолетник, управувале возило без возачка дозвола. Во Штип биле приведени три лица, од кои едно било и под дејство на алкохол, додека во Тетово биле лишени од слобода две лица, меѓу кои и еден малолетник.

По две лица без возачка дозвола биле затекнати и во Скопје, а по едно во Кочани, Прилеп и Дебар. Воедно, по едно лице во Виница и Гостивар управувало возило под дејство на алкохол.

— реклама —

Од МВР информираат дека по целосно документирање на случаите против сторителите ќе бидат поднесени соодветни кривични пријави.

— реклама —

Воедно, Министерството апелира до сите учесници во сообраќајот да ги почитуваат сообраќајните правила и прописи, да не управуваат возило без положен возачки испит, доколку им е изречена забрана за управување или доколку се под дејство на алкохол, со цел заеднички да се придонесе за побезбеден сообраќај.