Во Гостивар се намалува бројот на прегледи, еден сомнителен случај на западнонилска треска

Министерството за здравство информира дека внимателно ја следи здравствената состојба во Гостивар, при што е забележано намалување на бројот на извршени прегледи.

— реклама —

Според последните податоци, на 3 август биле регистрирани вкупно 78 прегледи, што е за шест помалку во споредба со претходниот ден, кога биле евидентирани 84 пациенти.

— реклама —

— реклама —

Во меѓувреме, на Клиниката за инфективни болести е регистриран еден нов сомнителен случај на западнонилска треска. Во тек се лабораториски испитувања со кои ќе се утврди дали станува збор за ова заболување.

Од Министерството за здравство посочуваат дека, во координација со надлежните здравствени установи, продолжуваат континуирано да ја следат состојбата и навремено ќе ја информираат јавноста за сите нови релевантни информации.