Полицијата презема мерки за расчистување на случај на опожарување на патничко возило во скопското село Кондово.
Според информациите од Министерството за внатрешни работи, на 4 јули 2026 година во 12:00 часот во СВР Скопје, Р.Т. (62) од село Кондово пријавил дека во текот на ноќта, во дворот на неговата семејна куќа, биле опожарени задните гуми на неговото патничко возило „ауди“ со скопски регистарски ознаки.
Во настанот нема повредени лица. Увид на местото извршила увидна екипа од СВР Скопје, а се работи на утврдување на причините и околностите под кои настанал пожарот.
