Во тек се разговорите за реконструкција, Мицкоски најави можни промени на ресори

Премиерот Христијан Мицкоски изјави дека разговорите со владините коалициски партнери за реконструкцијата на Владата се одвиваат во конструктивна атмосфера и дека меѓу опциите за кои се разговара е и промена на одделни ресори.

— реклама —

— реклама —

„Во првите разговори можам да признаам дека преовладува конструктивен амбиент. Ќе имаме сега во текот на оваа недела повторно средби. Очекувам тоа да бидат завршни. Во текот на викендот да се формализира сето тоа и со имиња и со останати специфики. Инаку, да, постои опција и за промена на ресор, да, и за тоа е разговарано“, рече Мицкоски.

— реклама —

— реклама —

Тој посочи дека во наредните денови ќе продолжат консултациите со коалициските партнери, по што ќе бидат соопштени конкретните решенија, вклучително и кадровските промени и евентуалните прераспределби на ресори во Владата.