(Во живо) Од предмет за обид за убиство до врвот на СДСМ: Трифуновски во „Претрес“ за фештите, бегството, сиромаштијата, Алта Банка

Прво осуден, потоа ослободен во повторена постапка — што се сменило во предметот што почнал со обвинение за обид за убиство, а подоцна бил преквалификуван во изнуда? Зоран Трифуновски-Жаба, организациски секретар на СДСМ, гостува во живо во „Претрес со Ландов“. Го отвораме судскиот пресврт, но и прашањето: како ја објаснува разликата меѓу двете пресуди и дали политичките врски имале какво било влијание?

ГЛЕДАЈ ВО ЖИВО:

— реклама —

Од „обид за убиство“ до врвот на СДСМ: „Претрес“ на Трифуновски за фештата, бегството, Алта Банка Гледај на LANDOV.MK Во живо

— реклама —

Прес-конференции за минималната плата, а роденденска фешта со партиското раководство — со колку пари живее Трифуновски и колку чинела прославата? Додека СДСМ зборува за осиромашени граѓани, каква порака испраќаат нејзините функционери со сопствениот пример?

На маса се и заминувањата од МВР, кривичните постапки од неговото минато и наводите за притисоци и закани при изборот на раководството на социјалдемократската младина. Што од тоа Трифуновски оспорува, што може да објасни и каква одговорност прифаќа како организациски секретар?

— реклама —

За „Алта банка“ — каде завршува оправданото поставување прашања, а каде почнува создавањето паника кај штедачите? Каков е неговиот однос со Миле Зечевиќ и дали би ги поставувал истите прашања ако Зечевиќ сè уште бил во органите на банката?

— реклама —

Ќе одговори ли и на тврдењата на Андреј Петров за починати членови евидентирани како гласачи? Кој го чува Филипче, колку се прашува Заев и зошто по поразите најтешко се отвора прашањето за сопствената оставка?

Гледајте го „Претрес со Ландов“ во живо во видеото погоре. Спиете ли мирно?