Адвокатката на газдата на „Пулс“, каде пред повеќе од една година загинаа 63 лица, е гостинка во „Претрес со Ландов“.
Адвокатката Ивана Коцевска говори дека не сака да прејудицира колку ќе трае судскиот процес поради многуте обвинети, сведоци и докази. Одбраната, вели, нема да го кочи судскиот процес.
„Свесно сум презела да застапувам вака сложен процес, секој има право на одбрана, а и на мислење. Ние не браниме право на криминал, туку право на фер судење. Сочувство имам кон блиските. Револтот им е оправдан. Вината сè уште не е докажана. За да признае вина, треба да се согласуваш со наводите во обвинението. Видовме дека не може да не ја спориме кривичната одговорност, но делото не е сторено со умисла. Може да биде од небрежност“, вели адвокатката на Дејан Јовановски-Деко.
