Јане Ченто, осуден за терористичко загрозување на уставниот поредок за настаните на 27, во „Претрес со Ландов”, вели дека имало селективна правда, а имало во Собранието вметнати лица со качулки.
„Јас не носев фантомка, а во обвинението стои дека групата во која бев и јас сме влегле со фантомка во Собранието”, вели Ченто.
Тој покажа видео во кое се гледа дека не носи фантомка кога одат накај прес-центарот.
„Против мене има само еден доказ дека сум го удрил Зоран Заев во предел на стомакот и спремен сум да одговарам за насилство. Не барав амнестија бидејќи се чувствувам невин, ни Т од тероризам не сум сторил. Татко ми ми даде поддршка до крај да го обелам образот. Јас прв во суд кажав дека нема да поднесам барање за амнестија, по мене тоа Игор Југ го направи. Борба водиме за да добиеме правда. Трпевме психичко и физичко малтретирање. Не оставаа само по пет часа да спиеме”, вели Ченто.
