Богдан Илиевски-Бетмен Велит, за „Претрес со Ландов”, вели дека во ВМРО не го примиле како ембрион за да го негуваат.
„По нарачка не можеш да станеш патриот. Член на Шарената револуција не сум бил. Тоа е навреда. Вилма Русковска била во Шарената револуција”, вели Илиевски.
Нагласува дека не лаже и не манипулира.
„Тие што ги пуштам во шоуто се мои идеолошки противници поради кои бев во притвор и поради кои ни е сменето името. Тие се наследници на оние кои идеолошките противници ги праќале на Голи Оток”, вели Илиевски.
Себеси се опишува и доживува како промакедонски ориентиран.
Гафовите на претседателката Гордана Сиљановска Давкова ги нема во неговото вечерно шоу, бидејќи вели, не зборува лошо за оние кои не го продале името.
