Ангел Ѓорѓиев, гостин во ,,Претрес со Ландов” е адвокат на семејството Демирови, кои признале вина дека биле корисници на социјална помош, а во исто време поседувале богат возен парк, но потоа ова го негирале.
,,Обвинети се повеќе лица во овој несекојдневен случај за организирање и приредување игри на среќа без лиценца, како и за перење пари.Обвинителот мора да докаже дека парите се стекнати на нелегален начин.Фериде Демирова има четири години образование и таа не може да приредува игри на среќа.На првостепеното судење Милица Гаврилова беше обвинителка а адвокат Дончо Наков”, вели Ѓорѓиев.
Од обвинетите, бидејќи тогаш не бил бранител, дознал дека обвинителката и рекла на Фериде дека ќе биде пуштена од притвор во куќен притвор ако признае вина, а ова вели е незаконско влијание од обвинителката.Записникот, кој не бил воден со аудио запис поради технички услови, е потпишан од бранителот Наков, но не и од обвинетите.
,,Порше, мерцедес, златен накит, три стана и се одземени на Фериде при претресот. Фериде со уште две девојчиња кои знаат турски јазик вртат по клиенти во Турција да учествуваат во on line игри на среќа. Дваесет проценти од добивката имала Фериде од фирмата која била регистрирана на Кипар”, вели адвокатот.
Таа се бранела со молчење и не кажала од каде и се парите. Парите ги менувала во криптовалути.Адвокатот вели дека таа не се водела како вработена и земала социјална помош.
