Гостин во „Претрес со Ландов“ е актерката и режисерка Снежана Коневска-Руси, актерска легенда која кариерата ја изгради во Македонија по доаѓањето од Ниш.\
„Важно е да го сакате тоа што го работите, јас сум одбрала да живеам и творам на ова тло и треба да говорам македонски јазик. Животот е уметност. Недоволно грижа има за македонскиот јазик на државно, уставно, законодавно ниво“, вели Коневска-Руси и додава дека е непочитување да не се говори на македонски јазик во Македонија.
„Актуелната Влада е две години на власт, не можам да оценам уште дали го бранат македонскиот јазик“, вели Коневска-Руси.
Гледајте Претрес, говориме за (не)културата, насилството, национализмот, идентитетот. Бараме одговори за сеењето на национализам наместо соживот, генерациите кои се снимаат само додека сурово ги малтретираат другарите во училиште, политиката и поделбите.
