(Во живо) Претрес за „кумата“, Крстевски: Реагирав за заштита на моите малолетни деца

Вечерва „Претрес со Ландов“ за „кумата“, од „кафански живот“ до вера и дисциплина, но и до центарот на вниманието. Кристијан Крстевски, јавноста го запозна токму по фразата „кумата“, но пред сè по случката на Водно, кога жестоко се спротивстави велосипедист да вози по пешачка патека. Тој пешачеше со своите две малолетни деца, а како што рече, неговата кума завршила во болница од несовесен велосипедист.

— реклама —

„Не мислам дека сум славен, но праќаат многу пораки, никој ме нема искритикувано. Моето име излезе секаде, а хејтерите ги прашувам кога последен пат се качиле на Водно. Да подразмислат за тоа што го зборуваат и се закануваат“, вели Крстевски.

— реклама —

Неговото име беше искористено за маркетинг од неколку компании, а некои забележаа зошто 40-годишен човек толку агресивно се однесувал кон 15-годишник.

— реклама —

„Не знаев дека е малолетен. Повеќе пати исто ни се има случено, но сме биле без деца. Никогаш не сме помислиле да одиме по велосипедската, туку секогаш по пешачката патека. На патеката кај што пешачевме забрането е движење на велосипеди и мотори. Почна со врисок на две жени кои се исплашиле од велосипедистот. Реагирав за заштита на моите деца“, вели Крстевски во „Претрес со Ландов“.