Водата во Скопје е безбедна за пиење – анализирани примероци од 49 мерни места

ЈП „Водовод и канализација“ – Скопје го објави неделниот извештај за квалитетот и безбедноста на водата за пиење, со цел граѓаните да бидат навремено информирани за состојбата со водоснабдувањето.

— реклама —

Секторот за санитарна контрола во периодот од 14 до 18 септември 2026 година зел 206 примероци за физичко-хемиска и исто толку примероци за микробиолошка анализа. Примероците биле земени од 49 мерни места на територијата на Скопје.

— реклама —

— реклама —

Според добиените резултати од испитувањата, сите анализирани примероци одговараат на барањата утврдени со Правилникот за барања за безбедност и квалитет на водата за пиење.

Од ЈП „Водовод и канализација“ – Скопје посочуваат дека резултатите се добиени преку анализите спроведени во Секторот за санитарна контрола.