Водата во Скопје е безбедна за пиење, сите анализирани примероци се исправни

Водата за пиење во Скопје е безбедна и ги исполнува пропишаните стандарди, покажуваат најновите лабораториски анализи на ЈП „Водовод и канализација“ – Скопје.

— реклама —

Во периодот од 4 до 7 август 2026 година, Секторот за санитарна контрола земал вкупно 162 примероци за физичко-хемиска и уште 162 примероци за микробиолошка анализа.

— реклама —

Примероците биле земени од 45 мерни места на територијата на градот Скопје, со цел да се проверат квалитетот и безбедноста на водата за пиење.

— реклама —

Според добиените лабораториски резултати, сите испитани примероци одговараат на барањата утврдени со Правилникот за барања за безбедност и квалитет на водата за пиење („Службен весник на РМ“ бр. 183/18).

Од ЈП „Водовод и канализација“ – Скопје посочуваат дека извештајот се објавува редовно со цел граѓаните да имаат навремени информации за квалитетот и безбедноста на водата што ја користат.