Вонредна состојба во Боливија поради сушата предизвикана од Ел Нињо

Боливиските власти прогласија национална вонредна состојба поради сушата поврзана со климатскиот феномен Ел Нињо, која досега погодила повеќе од 78.000 семејства во земјата. Претседателот Родриго Паз соопшти дека мерката ќе овозможи мобилизирање финансиски и човечки ресурси за справување со последиците.

— реклама —

Според Паз, ќе се координира работата на националните институции, со поддршка од меѓународната заедница, за да им се помогне на најпогодените подрачја. Тој предупреди дека Боливија може да се соочи со екстремни временски услови – недостиг од врнежи во одредени региони и обилни дождови и поплави во други.

— реклама —

— реклама —

Податоците на Министерството за цивилна одбрана покажуваат дека сушата погодила најмалку 78.200 семејства во седум од деветте департмани во Боливија. Особено загрижувачка е состојбата во областите со недостиг од вода.

— реклама —

Ел Нињо е природен климатски феномен поврзан со затоплувањето на водите во екваторијалниот дел на Тихиот Океан. Тој влијае врз температурите и распоредот на врнежите во различни делови од светот, а во Боливија може да предизвика долги сушни периоди и интензивни врнежи.