Возач без дозвола избегал при полициска контрола

Министерството за внатрешни работи соопшти дека на 11 мај околу 01:45 часот на улицата „Питарница“ во Гостивар, полициски службеници запреле патничко возило „цитроен“ со гостиварски регистарски ознаки.

— реклама —

Според МВР, возачот ги предал документите за проверка, но додека полициските службеници ја контролирале сообраќајната дозвола, која била на име на неговата сопруга, тој го стартувал возилото и со голема брзина избегал кон селото Форино.

— реклама —

— реклама —

По преземени мерки било утврдено дека возилото го управувал Н.К. (29) од Форино, кој не поседувал возачка дозвола.

Против него ќе биде поднесена соодветна пријава за „безобзирно управување со моторно возило“.