Возач на „сеат“ и возач на камион приведени поради возење без дозвола

Полициски службеници од СВР Битола привеле две лица кои управувале возила без возачка дозвола за време на сообраќајни контроли во Битола.

— реклама —

Првиот случај бил регистриран на 17 мај околу 16:45 часот на улицата „Никола Тесла“, каде што бил приведен 46-годишниот Б.М. од Битола.

— реклама —

При контролата, полицијата сопрела автомобил „сеат“ со битолски регистарски ознаки, а било утврдено дека возачот управувал без да поседува возачка дозвола.

Неколку часа подоцна, во 18:25 часот на улицата „Партизанска“ во Битола, бил приведен и 29-годишниот В.Н. од Битола.

— реклама —

Тој управувал товарно возило „рено“ со битолски регистарски ознаки, а при контролата било констатирано дека немал важечка возачка дозвола.

Од полицијата информираат дека по целосно документирање на случаите против двајцата ќе следуваат соодветни пријави.