Возач со „џип“ удрил пешак, па се обидел и физички да го нападне

29-годишен жител на тетовското село Бозовце пријавил во полиција дека бил удрен со возило додека се движел по тротоар во Мала Речица.

— реклама —

Според информациите од СВР Тетово, случајот бил пријавен на 19 мај околу 13:40 часот. А.Р. навел дека на улицата „Љуботенска“ патничко возило „џип“ со тетовски регистарски ознаки, управувано од 60-годишниот М.Н. од Мала Речица, со зголемена брзина се упатило кон него и го удрило во левата рака и левата нога.

— реклама —

— реклама —

По инцидентот, според пријавата, возачот излегол од возилото со намера физички да го нападне, но оштетениот успеал да побегне и побарал лекарска помош во Клиничката болница во Тетово.

— реклама —

Полицијата работи на расчистување на случајот.