Возач на електричен тротинет удрил 71-годишна жена и избегал

71-годишна жена од Скопје се здобила со тешки телесни повреди откако во неа удрил електричен тротинет, чиј возач потоа избегал од местото на несреќата, соопшти Министерството за внатрешни работи.

— реклама —

Несреќата се случила на 20 октомври, околу 14 часот, на крстосницата меѓу улиците „Борис Трајковски“ и „Емил Зола“ во Скопје.

— реклама —

— реклама —

Повредената жена, со иницијали С.В.К., била пренесена во Јавната здравствена установа „Свети Наум Охридски“, каде што ѝ биле констатирани тешките телесни повреди.

Полицијата извршила увид на местото на несреќата и презема мерки за пронаоѓање на возачот на тротинетот и целосно расчистување на случајот.