Возел со 1,54 промили алкохол, уапсен велешанец

Четириесет и осумгодишен жител на Велес бил лишен од слобода откако полициска контрола утврдила дека управувал возило под дејство на алкохол.

— реклама —

Според информациите од Министерството за внатрешни работи, на 11 јуни во 23:03 часот на улицата „Ангел Мишев“ во Велес, полициски службеници од СВР Велес сопреле патничко возило „пежо“ со велешки регистарски ознаки, управувано од Т.Г. (48) од Велес.

— реклама —

По преземените мерки и извршеното алкотестирање, било констатирано дека возачот е под дејство на алкохол, при што му биле измерени 1,54 промили алкохол во крвта.

— реклама —

Тој веднаш бил лишен од слобода, а по целосно документирање на настанот против него ќе биде поднесена соодветна пријава.

— реклама —

Од МВР повторно апелираат до граѓаните да не управуваат моторни возила под дејство на алкохол, бидејќи ваквото однесување сериозно ја загрозува безбедноста на сите учесници во сообраќајот.