Возеле без дозвола и под дејство на алкохол – четворица возачи приведени

Во текот на изминатото деноноќие, полициските службеници лишиле од слобода четворица возачи на различни локации низ државата поради безобѕирно управување со моторно возило, информира Министерството за внатрешни работи.

— реклама —

Според МВР, двајца од приведените, во скопскиот и тетовскиот регион, управувале возила без да поседуваат возачка дозвола, додека останатите двајца, во Скопје и Гостивар, биле затекнати како возат под дејство на алкохол.

— реклама —

— реклама —

По целосното документирање на случаите, против сите четворица ќе бидат поднесени соодветни кривични пријави.

— реклама —

Од МВР упатија апел до сите учесници во сообраќајот да ги почитуваат сообраќајните правила и прописи, да не управуваат возило без положен возачки испит, доколку им е изречена забрана за управување или кога се под дејство на алкохол, со цел да се придонесе за поголема безбедност во сообраќајот.