Тројца млади возачи, меѓу кои и еден малолетник, се лишени од слобода во одделни полициски контроли во Гостивар, откако било утврдено дека управувале мопеди без положен возачки испит.
Според СВР Тетово, првиот случај е регистриран на 2 јули околу 23:45 часот на улицата „Бањешница“ во Гостивар, каде што полициски службеници запреле мопед со гостиварски регистарски ознаки, управуван од Р.А. (18) од Врапчиште. При проверката било утврдено дека тој нема положен возачки испит.
Неколку часа подоцна, на 3 јули во 01:10 часот, во селото Чајле бил приведен и Д. Р. (18), кој исто така управувал мопед без да има положен возачки испит.
Во третата акција, спроведена во 02:30 часот, повторно во селото Чајле, полицијата привела 17-годишен малолетник од Гостивар, кој управувал мопед без возачка дозвола.
По наредба на јавен обвинител, сите тројца се задржани во полициска станица, мопедите им се одземени, а по целосното документирање на случаите ќе следуваат соодветни поднесоци.
