Жена на возраст од 48 години се здобила со тешки телесни повреди во сообраќајна несреќа што се случила утринава во Скопје, информира Министерството за внатрешни работи.
Според информациите од МВР, на 16 јануари 2026 година околу 08:00 часот во СВР Скопје било пријавено дека на улицата „Војвода Васил Чакаларов“ патничко возило „киа“ со скопски регистарски ознаки, управувано од Д.П. (52) од Скопје, удрило во пешакот Р.Д. (48), исто така од Скопје.
Во несреќата, пешакот се здобил со тешки телесни повреди, кои биле констатирани во Комплексот клиники „Мајка Тереза“ во Скопје.
На местото на настанот бил извршен увид од страна на увидна екипа од СВР Скопје, а се работи на целосно расчистување на околностите под кои се случила сообраќајната несреќа.
