Вработен во болница фотографирал банкарска картичка на пациент и потрошил над 90.000 денари преку интернет-трансакција

Административен службеник во ЈЗУ Општа болница Прилеп е осомничен дека фотографирал дебитна платежна картичка на прилепчанец, а потоа со нејзините податоци извршил десетици интернет-трансакции, при што незаконски потрошил повеќе од 90.000 денари.

— реклама —

Од Министерството за внатрешни работи информираа дека СВР Битола поднела кривична пријава против И.С. (40) од Прилеп поради постоење основи на сомнение за сторени кривични дела „оштетување и неовластено навлегување во компјутерски систем“ и „злоупотреба на лични податоци“.

— реклама —

Според пријавата, на 13 октомври 2025 година, осомничениот, кој работел како административен службеник на шалтер за наплата во прилепската болница, ја фотографирал дебитната платежна картичка на едно лице од Прилеп.

— реклама —

Потоа, во периодот од 26 октомври 2025 до 19 февруари 2026 година, користејќи ги податоците од картичката, извршил вкупно 71 интернет-трансакција, при што била предизвикана штета во износ од 90.174 денари.

— реклама —

Против прилепчанецот е поднесена кривична пријава, а надлежните институции ќе постапуваат понатаму за целосно расчистување и документирање на случајот.