„Вреди“ станува една партија: Крај за ерата кога албанската политика беше приватна сопственост на една корумпирана клика

Коалицијата „Вреди“ соопшти дека петте политички субјекти кои ја сочинуваа коалицијата ќе се обединат во една политичка сила.

— реклама —

Најавија нова фаза на консолидација на албанскиот политички блок во земјата.

— реклама —

„Вреди“ порача дека завршува периодот кога албанската политика била „приватна сопственост на корумпирана клика“ и кога мал број луѓе одлучувале во име на сите Албанци.

— реклама —

„Тој модел падна. И не падна случајно. Падна затоа што Албанците повеќе не прифаќаат да бидат заложници на истрошени структури, лажен патриотизам и политички измами кои со години служеа само за личен спас на малкумина. ВРЕДИ се обединува во една политичка сила. Затоа што само организирана, дисциплинирана и обединета сила може да го заштити албанскиот глас и еднаш засекогаш да ја затвори ерата на фрагментации, уцени и задкулисни игри. Пет политички субјекти стануваат едно, велат од Вреди“.

Од владиниот коалициски партнер додаваат дека нивната обединета платформа ќе се темели на владеење на правото, нулта толеранција за корупција, независно судство, европски интеграции, партнерство со НАТО и заштита на семејството, традицијата и културниот идентитет.