Вучиќ бара НАТО да не дозволи отворање на мостот во Митровица и повлекување на КФОР

Претседателот на Србија, Александар Вучиќ, изјави дека во понеделник или вторник очекува разговор со генералниот секретар на НАТО, Марк Руте, во врска со барањето на Белград да не се дозволи отворање на мостот во Косовска Митровица и повлекување на силите на КФОР од мостот.

— реклама —

„Ние сме во редовен контакт и очекувам во понеделник или вторник разговор со Марк Руте“, изјави Вучиќ пред новинарите во Лесковац.

Тој рече дека ќе продолжи да инсистира на, како што наведе, заштита на правата на српското население на Косово.

— реклама —

„Ќе продолжам да инсистирам и ќе се борам за српскиот народ на Косово и Метохија и за правото на српскиот народ на опстанок“, рече Вучиќ.

— реклама —

Српскиот претседател додаде дека не очекува нужно целосен успех од барањето, но верува дека Руте ќе го разгледа писмото и ќе го сослуша ставот на Белград.

„Не велам дека ќе имам стопроцентен успех, но сигурен сум дека генералниот секретар на НАТО, откако ќе го прочита писмото, секако ќе ме сослуша“, изјави Вучиќ.

— реклама —

Тој ги даде изјавите за време на обиколка на работите за реконструкција, доградба и надградба на Детскиот диспанзер во Лесковац.