Вучиќ го откри можниот датум за предвремените избори во Србија

Предвремени парламентарни избори во Србија би можеле да се одржат на 18 или 25 октомври, најави српскиот претседател Александар Вучиќ.

— реклама —

Гостувајќи во Дневникот 2 на РТС, Вучиќ рече дека точниот датум ќе биде познат во следните неколку дена. Тој претходно најави дека изборите наскоро ќе бидат распишани, а изборната кампања би траела меѓу 45 и 60 дена.

— реклама —

„Парламентарните избори во Србија, како што стојат работите, ќе се одржат или на 18 или на 25 октомври, а тоа ќе го знаеме за неколку дена“, изјави Вучиќ.

— реклама —

Тој се осврна и на досегашните шпекулации за терминот на изборите, посочувајќи дека со најновата најава се расчистуваат дилемите околу тоа кога би се одржало гласањето.

Вучиќ уште во јули изјави дека изборите би требало да се одржат во октомври или ноември, додека на 16 август најави дека ќе бидат распишани во рок од 15 до 25 дена.