Претседателот на Србија, Александар Вучиќ, најави дека на 27 септември ќе поднесе оставка од функцијата претседател на државата.
„Да ве известам. На 27 септември ќе поднесам оставка од функцијата претседател. Таа вечер ќе им се обратам на граѓаните и ќе им се заблагодарам за поддршката. Најдолго бев претседател на Републиката откако е воспоставен повеќепартискиот систем во нашата земја. Тоа без граѓаните на оваа земја не би можел да го постигнам. Единствено што можам да кажам е дека верно ѝ служев на Србија, верно им служев на граѓаните на оваа земја – верно, вредно, посветено и борбено“, рече Вучиќ.
Тој додаде дека потоа ќе влезе во предизборна кампања како обичен граѓанин.
„Набавив и камионче, имам свој автомобил. Набавив и една камп-приколка, бидејќи нема да можам да спијам секаде. Ќе одам во најоддалечените села, па и до доцна кога ќе останам. Има уште многу села. Има уште илјадници и илјадници села во кои не сум бил. Сакам да ги посетам и урбаните места, сакам да одам во секој град, пред продавница, пред дискотека, да разговарам со луѓето“, рече Вучиќ.
