Вучиќ најави помилувања за лица поврзани со настаните од последната година и пол пред оставката: „Многумина ќе бидат изненадени“

Претседателот на Србија, Александар Вучиќ, најави дека ќе донесе одлуки за помилување на одредени лица поврзани со настаните во земјата во изминатата година и пол.

— реклама —

Во изјава за Радио-телевизија Србија, Вучиќ посочи дека сè уште работи на подготовката на одлуките, без да открие на кого конкретно ќе се однесуваат.

— реклама —

„Станува збор за дел од луѓето кои учествуваа во сè што се случуваше во земјата во последната година и пол, од двете страни. Многумина ќе бидат изненадени од овие помилувања и аболицијата“, изјави Вучиќ.

— реклама —

Тој објасни дека едната одлука ќе се однесува на лица кои веќе имаат правосилни пресуди, додека за оние против кои нема донесено пресуда ќе важат поинакви правила.

— реклама —

Според Вучиќ, целта на овие одлуки е да придонесат за помирен живот и подобро меѓусебно разбирање.