Вучиќ пред оставката помилува 49 лица, меѓу нив 12 од „новосадската група“ на Мила Пајиќ

Српскиот претседател Александар Вучиќ, пред поднесувањето на оставката, соопшти дека донел одлука за помилување и аболиција на вкупно 49 лица. Од нив, 23 се поврзани со настаните во Србија во последната година и пол, според неговото образложение.

— реклама —

Вучиќ изјави дека меѓу помилуваните се 12 лица од таканаречената „новосадска група“, предводена од Мила Пајиќ, како и уште 11 лица кои, според него, учествувале во инциденти поврзани со блокадите.

— реклама —

Како што наведе, одлуката ја донел и покрај мислењата на дел од комисијата и на различни државни и безбедносни служби.

— реклама —

Вучиќ рече дека тешко му паѓало тоа што дел од младите луѓе ја минуваат својата младост надвор од Србија, додавајќи дека одлуката ја донел со намера да им помогне.

— реклама —

„Новосадската група“ опфаќа 12 активисти и студенти од Нови Сад против кои се водела постапка, при што дел од нив биле во притвор, а шестмина се наоѓале во странство и им било судено во отсуство.