Вучиќ: Во Србија нема сериозни пожари, имаме најдобра флота хеликоптери во регионот

Претседателот на Србија, Александар Вучиќ, изјави дека во земјата во моментов нема сериозни пожари ниту загрозено население, нагласувајќи дека државата располага со значителни капацитети за справување со огнените стихии.

— реклама —

„Нема посериозни проблеми, нема сериозни пожари и нема загрозено население ниту земјоделски површини. Ветерот е тој што создава проблеми“, изјави Вучиќ.

— реклама —

Тој посочи дека Србија во изминатите години значително ја обновила и проширила опремата за гаснење пожари, вклучително и воздушните капацитети.

„Купивме повеќе возила отколку што имавме до пред седум години. Купуваме уште хеликоптери, така што имаме многу добра флота, би рекол, најдобра во регионот“, рече српскиот претседател.

— реклама —

Вучиќ во изјавата се осврна и на своите политички противници, обвинувајќи ги дека не ја разбираат работата на државните институции.

„Државата не е играчка“, порача тој, додавајќи дека, според него, земјата е „премногу сериозна“ за да ја водат „аматери и незнајковци“.