Вучиќ од Давос најави летечки такси за Експо 2027, преговорите во завршна фаза

Претседателот на Србија, Александар Вучиќ, денеска во Давос изјави дека преговорите за воведување летечки такси за Експо 2027 се во завршна фаза, најавувајќи уште еден амбициозен проект кој, како што рече, треба да го покаже „новото лице на Србија“.

— реклама —

„Не смеам пред 15 часот да зборувам за тоа, но ветив летечки такси за Експо и сега го приведуваме процесот кон крај“, изјави Вучиќ пред новинарите, додавајќи дека го очекува средба со американска компанија со која се водат финалните разговори.

— реклама —

Вучиќ наведе дека за време на престојот на Светскиот економски форум во Давос имал низа средби со највисоки светски функционери.

— реклама —

„Имавме бројни состаноци, меѓу кои и со директорката на ММФ, а ја слушавме и Урсула фон дер Лајен“, рече српскиот претседател.

— реклама —

За време на престојот во Давос, Вучиќ, според најавите, ќе оствари и бројни билатерални средби со светски и европски претставници, како и со претставници на меѓународни организации, финансиски институции и водечки глобални компании.