Вучиќ: Сè уште не сум поднел оставка, не можам да се занимавам со изборите

Српскиот претседател Александар Вучиќ изјави дека сè уште не поднел оставка и дека во моментов не може да се занимава со претседателските избори.

По посетата на изложбата на воена опрема и вооружување на аеродромот Батајница, Вучиќ нагласи дека рокот за одржување претседателски избори почнува да тече дури по неговата евентуална оставка.

— реклама —

„Не можам да се занимавам со претседателските избори. Рокот за изборите е 90 дена од датумот на мојата оставка, а јас сè уште не сум поднел оставка“, изјави Вучиќ.

— реклама —

Осврнувајќи се на најновите анкети, според кои би имал поддршка од 46 проценти доколку сега се одржат избори, српскиот претседател рече дека би бил незадоволен од таков резултат.

„Знаете, додека некои блокираат патишта, други ги градат. Да знаевте, јас би бил многу, многу незадоволен од 46 проценти“, им рече Вучиќ на новинарите.

— реклама —

Тој им го честиташе Видовден на граѓаните на Србија и порача дека тие можат да бидат спокојни бидејќи, како што рече, српската армија секојдневно станува посилна.

— реклама —

„Граѓаните на Србија можат да бидат мирни, нашата армија секој ден станува посилна и ќе може да ја заштити земјата“, изјави Вучиќ.

На аеродромот во Батајница беа изложени средства од српската одбранбена индустрија, како и современо оружје и воена опрема, меѓу кои авиони МиГ-29 и „Орао“, хеликоптери Х-145, беспилотни летала, ракетни лансери и лесно вооружување.