Претседателот на Србија, Александар Вучиќ, оствари средба со претседателката на Меѓупарламентарната унија, Тулија Аксон, на која разговарале за унапредување на соработката и улогата на парламентарната дипломатија во јакнењето на односите меѓу државите.
Вучиќ преку социјалните мрежи соопшти дека во фокусот на разговорите биле и темите поврзани со Втората глобална конференција на жени парламентарки, која се одржува во Белград, како и можностите за поголемо учество на жените во политичкиот и јавниот живот.
„Србија е горда што е домаќин на овој важен меѓународен собир“, истакнал Вучиќ.
Тој нагласил дека Србија ќе продолжи активно да придонесува во работата на Меѓупарламентарната унија, чија членка е повеќе од 135 години.
„Србија останува посветена на зајакнување на меѓународните врски, меѓусебното почитување и доследното почитување на меѓународното право“, порача српскиот претседател по средбата.
