Холивудскиот актер Марк Руфало со жестоки обвинувања кон Нетанјаху

Американскиот актер Марк Руфало упати остри критики до израелскиот премиер Бенјамин Нетанјаху, оценувајќи дека смената на главниот обвинител на Меѓународниот кривичен суд (МКС) нема да ги избрише, како што се тврди, злосторствата извршени во Газа.

— реклама —

„Ти си убиствен манијак, Бенјамине Нетанјаху“, напиша Руфало, додавајќи дека лобирањето за смена на Карим Кан, кој во 2024 година издаде налог за апсење на израелскиот премиер, нема да ја намали неговата одговорност.

— реклама —

Актерот порача дека Нетанјаху „нема да ја промени историјата со лобирање“ и дека „нема да ја избегне правдата“.

Изјавите на Руфало следуваат откако Нетанјаху ја поздрави смената на Карим Кан од функцијата главен обвинител на МКС. Земјите членки на Судот во петокот гласаа за неговото разрешување поради обвинувања за сексуално вознемирување, кои Кан ги негира.

— реклама —

Карим Кан претходно издаде налози за апсење на Нетанјаху и поранешниот израелски министер за одбрана Јоав Галант, обвинувајќи ги за воени злосторства и злосторства против човештвото поврзани со воените операции во Газа.

— реклама —

Руфало е еден од најгласните холивудски поддржувачи на палестинските права и повеќепати ја опиша ситуацијата во Газа како геноцид и етничко чистење.