Хорор во Австралија: Ајкула усмрти 39-годишен маж

39-годишен маж почина по напад од ајкула на северот на австралиската држава Квинсленд, во близина на Хал Хедс, пренесуваат австралиските медиуми.

— реклама —

Службите за итна помош биле повикани на рампа за чамци на реката Хал кратко по 12 часот, откако добиле пријава за напад од ајкула. Се претпоставува дека ајкулата го нападнала мажот кај гребенот Кенеди Шол, пренесува ABC News.

— реклама —

— реклама —

Откако бил извлечен од водата, мажот им подлегнал на повредите, соопштила локалната полиција на Квинсленд.

— реклама —

Ова е втор смртоносен напад од ајкула во австралиските води во последните неколку недели, по смртта на 38-годишен маж кај островот Ротнест на 16 мај. Тој бил нападнат додека со пријатели ловел риба под вода кај гребенот Потковица, во близина на брегот на Западна Австралија.