Во улицата Цветанова Ќуприја во белградската населба Ѕвездара рано утрово околу 6:45 часот се случила тешка сообраќајна несреќа во која била прегазена жена што преминувала улица.
Според неофицијалните информации, автомобил излетал надвор од коловозот во Цветанова Ќуприја и удрил во жена, при што оштетил уште две возила.
Повредената жена од Ѕвездара била пренесена на Воено-медицинската академија.
Според пишувањата на локалната страница „Велики Мокри Луг“, несреќата се случила на аголот меѓу улиците Цветанова Ќуприја и Миомир Дениќ, а на жената, според првичните информации, ѝ била откината ногата под коленото.
Наводно, на возачот на автомобилот што ја удрил жената му се заглавила педалата за гас.
Најпрво удрил во два автомобила паркирани на тротоарот, а потоа и во жената, пренесува страницата „Велики Мокри Луг“.
Очевидци тврдат дека сцената била ужасна, дека повредената жена викала од болка, имало многу крв на коловозот, а возачот наводно бил во несоодветна обувка за возење – папучи.
Од локалната страница апелираат дека во улицата Цветанова Ќуприја, како и во околните улици, постои постојан проблем со недостиг на паркинг-места и покрај интензивната изградба на повеќекатници, поради што тротоарите се блокирани со паркирани автомобили, а пешаците секојдневно ризикуваат движејќи се по коловозот.
