Хутите тврдат: Заедно со Иран и Хезболах го ракетирале Израел

Побуненичката група Хутите презеде одговорност за ракетниот напад врз јужниот дел на Израел, тврдејќи дека станува збор за координирана операција со Иран и Хезболах.

— реклама —

Во соопштение, Хутите наведуваат дека извршиле „трета воена операција“ во рамки на тековниот конфликт, при што биле погодени, како што велат, „чувствителни цели на израелскиот непријател“.

— реклама —

„Нападот е изведен во координација со Иран и Хезболах во Либан“, соопштија Хутите.

Групата упати и закани за понатамошна ескалација доколку продолжат воените дејствија во регионот.

— реклама —

„Ќе следува понатамошна ескалација доколку Израел продолжи со нападите врз Либан, Иран, Ирак, окупираната Западна обала и Газа“, соопштија Хутите.

Изјавата доаѓа неколку часа откако израелската армија информираше дека пресретнала балистички проектил лансиран од Јемен кон јужниот дел на Израел.