За два дена регистрирани 1.433 сообраќајни прекршоци

Министерство за внатрешни работи информира дека во текот на изминатите два дена, 9 и 10 мај 2026 година, во рамки на засилените сообраќајни контроли низ државата биле издадени вкупно 1.433 платни налози за сторени сообраќајни прекршоци.

Од нив, дури 861 прекршок се однесувал на непочитување на пропишаната брзина на движење.

— реклама —

За безобѕирно управување со возило биле лишени од слобода 21 лице, од кои петмина поради возење под дејство на алкохол, 11 поради управување без возачка дозвола и пет лица поради управување возило и покрај претходно изречена забрана.

— реклама —

Во истиот период, според член 300-б од Кривичниот законик, биле одземени седум возила.

Покрај тоа, евидентирани биле 176 прекршоци за неправилно паркирање и 45 санкции за возење под дејство на алкохол.

— реклама —

Полициските контроли регистрирале и 15 прекршоци кај возачи на мотоцикли кои не носеле заштитен шлем, како и девет санкционирани пешаци. Дополнително, 75 учесници во сообраќајот биле казнети поради некористење сигурносен појас.

— реклама —

Согласно Законот за возила, од сообраќај биле отстранети 11 нерегистрирани возила и едно возило поради техничка неисправност. Санкционирани биле и двајца возачи поради непрописно затемнување на стаклата на возилата.

Од МВР најавуваат дека сообраќајните контроли ќе продолжат и во наредните денови, со апел до граѓаните да ги почитуваат сообраќајните правила и прописи за поголема безбедност на патиштата.