Во текот на изминатото деноноќие, полициски службеници на територијата на целата држава лишиле од слобода 19 возачи поради безобѕирно управување со возило, информира Министерството за внатрешни работи.
Од приведените, дури 16 лица управувале возило без возачка дозвола, меѓу кои и еден малолетник. Осуммина од нив биле затекнати во Скопје, од кои едно лице е малолетно, по двајца во Тетово и Куманово, а по еден возач без дозвола биле откриени во Прилеп, Битола, Македонски Брод и Чашка.
Дополнително, по едно лице во Прилеп и Охрид биле лишени од слобода затоа што управувале возило под дејство на алкохол, додека во Гевгелија бил приведен возач кој управувал со брзина значително поголема од дозволената.
Од МВР информираат дека по целосното документирање на случаите ќе бидат поднесени соодветни кривични пријави.
Воедно, Министерството апелира до сите учесници во сообраќајот да ги почитуваат сообраќајните правила и прописи, да не управуваат возила без положен возачки испит, доколку имаат изречена забрана за управување или доколку се под дејство на алкохол, со цел заеднички да се придонесе кон побезбеден сообраќај.
