За едно деноноќие приведени 24 возачи, најголем дел возеле без возачка дозвола

Во текот на изминатото деноноќие, полициските службеници на територијата на целата држава лишиле од слобода 24 возачи поради сторено кривично дело „безобѕирно управување со моторно возило“, соопшти Министерството за внатрешни работи.

— реклама —

Најголемиот дел од приведените, односно 19 лица, управувале возило без возачка дозвола. Од нив, петмина биле затекнати во Неготино, по четворица во Скопје и Струмица, двајца во Тетово и по едно лице во Демир Капија, селото Дебреште, Кривогаштани и Штип.

— реклама —

Тројца возачи биле лишени од слобода бидејќи управувале возило под дејство на алкохол, во Тетово, Ресен и Велес, додека две лица на автопатот во гевгелиско биле затекнати како возат со брзина поголема од дозволената.

— реклама —

Од МВР информираат дека по целосното документирање на случаите ќе бидат поднесени соодветни кривични пријави.

— реклама —

Воедно, Министерството повторно апелира до сите учесници во сообраќајот да ги почитуваат сообраќајните правила и прописи, да не управуваат возило без положен возачки испит, доколку имаат изречена забрана за управување или ако се под дејство на алкохол, со цел заеднички да се придонесе за поголема безбедност во сообраќајот.