За првпат во Србија вграден венски стент во мозок кај пациент со хронични главоболки

Во Универзитетскиот клинички центар на Србија за првпат е изведена минимално инвазивна интервенција со вградување специјализиран венски стент во мозок кај пациент кој страдал од хронични и силни главоболки.

— реклама —

Интервенцијата ја предводел интервентниот неврорадиолог д-р Иван Вукашиновиќ, кој соопшти дека пациентот успешно закрепнува, веќе е отпуштен од болница и се наоѓа на летување.

— реклама —

Според него, главоболките веќе почнале да се намалуваат, а се очекува со текот на времето целосно да исчезнат.

Зафатот бил изведен без отворање на черепот, преку крвните садови. Лекарите го прошириле венскиот синус што бил значително стеснет, со што е намален интракранијалниот притисок и е подобрен протокот на мозочната течност.

— реклама —

Оваа ретка состојба, покрај силните главоболки, може да предизвика и оштетување на видот и зуење во ушите.

— реклама —

Во Клиничкиот центар веќе се идентификувани четири до пет нови пациенти кои би можеле да бидат кандидати за истиот вид интервенција, а лекарите најавуваат дека зафатите ќе бидат изведени во наредниот период.