Едно лице загина при пад на воен хеликоптер на чешката армија во близина на местото Намјешт над Ославоу, пренесуваат чешките медиуми.
Според информациите, во хеликоптерот се наоѓале пет лица, но засега не е познат точниот број на повредени, ниту тежината на нивните повреди.
На местото на несреќата веднаш биле испратени екипи на итната медицинска помош, пожарникари и други спасувачки служби, а во акцијата е вклучен и медицински хеликоптер.
Надлежните институции работат на утврдување на причините за несреќата, а повеќе информации се очекуваат по завршувањето на увидот.
