Секторот за внатрешни работи Тетово поднесе кривична пријава против А.Р. (25) од селото Синичане, општина Боговиње, поради постоење основи на сомнение за сторено кривично дело „загрозување на сигурноста“.
Според информациите од Министерството за внатрешни работи, на 3 јуни 2025 година пријавениот преку социјална мрежа упатил закани по живот на полициски службеник.
Заканите следеле откако истиот полициски службеник претходно издал платени налози за глоба на пријавениот и на неговиот татко за сторен сообраќаен прекршок.
