Западнонилската треска однесе прва жртва во Холандија

Холандија ја регистрираше првата смртна последица од вирусот Западен Нил откако тој повторно беше откриен во земјата по пауза од пет години. Смртниот случај е регистриран во провинцијата Утрехт, соопшти Националниот институт за јавно здравје и животна средина.

— реклама —

Вирусот минатата недела за првпат од 2020 година беше потврден кај крводарител од провинцијата Утрехт, кој немал патувано во странство. Тоа укажува дека инфекцијата се пренесува и во самата Холандија.

— реклама —

Случаи на вирусот се потврдени и во Северен Брабант и Јужна Холандија, додека две лица се хоспитализирани, пренесува јавниот сервис НОС.

— реклама —

И покрај новите случаи, холандските здравствени власти оценуваат дека ризикот од заразување во земјата и понатаму е низок. Сепак, предупредуваат дека инфекцијата често може да помине незабележано, бидејќи околу 80 проценти од заразените лица немаат никакви симптоми.

Вирусот Западен Нил најчесто се пренесува преку убод од заразен комарец, а кај дел од заразените може да предизвика сериозна невроинвазивна форма на заболувањето.