Шеесет и едногодишен жител на Велес е лишен од слобода под сомнение дека предизвикал пожар во атарот на селото Долно Оризари, информира Министерството за внатрешни работи.
Според МВР, на 5 јули околу 15:20 часот, полициски службеници од СВР Велес го привеле А.О. (61) од Велес, кој се сомничи дека околу 14:25 часот, на местото викано „Свилара“, запалил сува трева во својот овоштарник.
Пожарот се проширил и зафатил нива, помошна просторија, бандера и инвентар од викенд-куќа во сопственост на 42-годишна велешанка.
При обид да го изгасне пожарот, А.О. се здобил со повреди.
Пожарот бил локализиран и изгаснат од екипи на Територијалната противпожарна единица Велес, а увид на местото извршила екипа од СВР Велес.
Од МВР соопштија дека за случајот е известен јавен обвинител и по целосното документирање на настанот против приведениот ќе биде поднесена соодветна пријава.
