Запленета 66 пакувања марихуана на ГП Стар Дојран, уапсени две лица

Министерство за внатрешни работи информира дека две лица се лишени од слобода откако на Граничниот премин Стар Дојран била пронајдена поголема количина марихуана.

— реклама —

Според полицијата, на 19 мај околу 23:30 часот, полициски службеници од Полициска станица за граничен надзор и гранични проверки Стар Дојран ги привеле А.К.(32) од Валандово и Н.С.(36) со живеалиште во Нов Дојран.

— реклама —

При контрола на патничко возило „сеат атека“ со гевгелиски регистарски ознаки, кое на излез од државата го управувала А.К., а сопатник бил Н.С., биле пронајдени пет торбици со вкупно 66 пакувања марихуана.

— реклама —

За случајот бил известен јавен обвинител од Основно јавно обвинителство Гевгелија, а приведените се задржани во Полициската станица Гевгелија.

Од МВР додаваат дека СВР Струмица извршила претреси на повеќе локации и по целосно документирање на случајот ќе биде поднесена соодветна пријава.