Запленето оружје, експлозив и дрога - голема полициска акција во Белград

Припадници на Министерство за внатрешни работи на Србија уапсиле повеќе лица поради основано сомнение за неовластено производство и продажба на дрога, како и недозволено поседување и трговија со оружје и експлозивни материи.

— реклама —

Во акцијата биле вклучени и припадници на криминалистичката полиција и Безбедносно-информативна агенција, по налог на Вишото јавно обвинителство во Белград. Уапсени се A.Ж. (1999), Д.Г. (2002) и Р.J. (2004).

— реклама —

При претрес на станови и други простории во Белград, полицијата пронашла и одзела три пушки, меѓу кои снајпер и автоматска пушка, пиштол, автоматско оружје, повеќе пригушувачи, рамки за муниција, ласерски нишан, како и над 320 куршуми од различен калибар. Пронајдена била и поголема количина материја за која постои сомнеж дека е експлозив со детонаторска каписла.

— реклама —

Дополнително, биле пронајдени три пресувани пакувања и повеќе кесички со билна материја слична на марихуана, ваги за прецизно мерење, фалсификувани документи, ладно оружје, силиконска маска, како и мотор и товарно возило.

— реклама —

Осомничените се задржани до 48 часа и ќе бидат предадени на надлежното обвинителство.